एजेन्सी । न्युजिल्याण्डका कप्तान केन विलियम्सनले इंग्ल्याण्डविरुद्धको टी-ट्वान्टी सिरिज गुमाउने भएका छन् ।
चोटका कारण कप्तान विलियम्सनले इंग्ल्याण्डविरुद्धको खेल गुमाउने भएका हुन् ।
न्युजिल्याण्डले इंग्ल्याण्डसँग खेल्ने टोलीमा विलियम्सनलाई राखेको छैन । २९ वर्षीय विलियम्सन हिप इन्जुरीका कारण टिम बाहिर रहेको बताईएको छ ।
इंग्ल्याण्डले नोभेम्बर १ बाट न्युजिल्याण्डको भ्रमण गर्नेछ । इंग्ल्याण्ड र न्युजिल्याण्डबीच पाँच खेलको टी-ट्वान्टी सिरिज र दुई खेलको टेष्ट सिरिज हुनेछ ।
