काठमाडौं । क्याट क्विन्स काठमाडौं वुमन्स च्याम्पियन्स लिग (डब्लुसील) क्रिकेटको फाइनलमा प्रवेश गरेको छ ।
कीर्तिपुरस्थित त्रिवि मैदानमा मंगलबार भएको इलिमिनेटरमा विराटनगर टाईटन्सलाई ९ विकेटले पराजित गर्दै काठमाडौं उपाधि नजिक पुगेको हो ।
अब काठमाडौंले उपाधिका लागि चितवन राइनोजसँग बिहिबार खेल्नेछ । चितवन लिगको शीर्ष स्थानमा रहदै यसअघि फाइनल पुगिसकेको छ । विराटनगर भने प्रतियोगिताबाट बाहिरिएको छ ।
विराटनगरले दिएको ६९ रनको सामान्य लक्ष्य काठमाडौंले ९ ओभर ५ बलमा मात्र १ विकेट गुमाएर पुरा गर्यो ।
काठमाडौंका लागि कप्तान रुबिना क्षेत्रीले अविजित ३४ रन जोड्दा अप्सरी बेगमले अविजित २७ रनको योगदान गरिन् । रोमा थापा सुन्य रनमा पेभेलियन फर्किइन । विराटनगरकी सोनु खड्काले १ विकेट लिईन् ।
![Image may contain: 3 people, people smiling, text](https://scontent.fktm7-1.fna.fbcdn.net/v/t1.0-9/75367574_963714837295517_4381761725989388288_n.jpg?_nc_cat=101&_nc_eui2=AeE9tlGK635pna_W5PiTSlLOcfHgKP16ZSI37RlYiL1Cxgg9yd7keRrHzEzGj5pTeuOeRVl-TPEWNyBu0hIGMgQaUNcAzMlcRLGMum5v1e7pIw&_nc_oc=AQmvZxQp1XUQl3w-mtGwUqaLkJRYzslhjSQpsThowk9y0Fqygs9NBFc1H303KWMObGM&_nc_ht=scontent.fktm7-1.fna&oh=5e9219a4e7affc4e3f64068c94c5c17b&oe=5E1925E2)
यस अघि टस जितेर पहिले ब्याटिङ गरेको विराटनगरले १७ ओभर ३ बलमा अलआउट हुँदै ६८ रन बनाएको थियो ।
विराटनगरका लागि सोनु खड्काले सर्वाधिक ३४ रन जोडिन् । यस्तै ज्योति पाण्डेले १२ तथा आरती बिडारीले ११ रन जोडिन् ।
विराटनगरलाई सस्तैमा समेट्न काठमाडौंकी कप्तान रुबिना क्षेत्रीले ४ विकेट लिईन् ।
प्रतियोगिताको विजेता टोलीले ७ लाख रुपैयाँ पाउने छन् । उपविजेता टोलीले तीन लाख रुपैयाँ प्राप्त गर्नेछ।
यस्तै प्रतियोगिताको उत्कृष्ट खेलाडीले टिभिएसको १ सय २५ सीसीकाे स्कुटर र ५० हजार पाउने छन् भने बेस्ट बलर र ब्याट्सवुमनले जनही २५ हजार प्राप्त गर्ने छन् ।