काठमाडौं । वुमन्स च्याम्पियन्स लिग (डब्लुसीएल) क्रिकेटमा ललितपुर फाल्कोन्सले क्याट क्विन्स काठमाडौंलाई जितका लागि १०६ रनको सामान्य लक्ष्य दिएको छ ।
कीर्तिपुरस्थित टियु क्रिकेट मैदानमा टस जितेर पहिले ब्याटिङ गरेको ललितपुरले २० ओभरमा ५ विकेट गुमाएर १०५ रन बनायो ।
ललितपुरका लागि रोशनी बोहराले अविजित रहदै २९ रन जोडिन् । यस्तै नेरी थापाले २२ रन जोड्दा ममता चौधरीले १५ रन जोडिन् । गीता गोसाईले १३ रन बनाईन् ।
काठमाडौंकी ईश्वरी बिष्टले २ विकेट लिईन्। सरस्वती कुमारीको नाममा एक विकेट रह्यो ।
आज काठमाडौं तेस्रो जितको खोजीमा रहेको छ । काठमाडौं जित निकाल्दै प्ले अफमा पुग्ने सम्भावना बलियो बनाउन चाहन्छ ।
३ खेलमा ४ अंक जोडेको काठमाडौं तालिकाको दोस्रो स्थानमा छ ।
यता, ललितपुर पहिलो जितको खोजीमा रहेको छ । २ खेलमा जित विहीन ललितपुर पहिलो अंक जोड्न चाहन्छ । ललितपुर तालिकाको पुछारमा रहेको छ ।
-1735037168.JPG)
