काठमाडौँ । वुमेन च्याम्पियन्स लिग (डब्लुसीएल) मा पोखरा पल्टनले चितवन राइनोजलाई जितका लागि १ सय २८ रनको लक्ष्य प्रस्तुत गरेका छ ।
कीर्तिपुरस्थत त्रिवि क्रिकेट मैदानमा टस जितेर पहिले ब्याटिङ गरेको पोखराले २० ओभरमा ५ विकेट गुमाएर १ सय २७ रन बनायो ।
पोखराका लागि कप्तान सिता राना मगर अर्धशतकीय इनिङस खेलिन् ।
सिताले ५६ बलमा ७ चौका र १ छक्काको मद्दतमा ६५ रनको अविजित पाली खेलिन्।
यस्तै मञ्जु बोगटीले अविजित २४ रन बनाउँदा कविता कुवरले १५ जोडिन् ।
पोखराका अन्य खेलाडीले भने दोहोरो अंक छुन सकेनन् ।
चितवनका कबिता गौतम २ र रेखा रावलले १ विकेट हात पारिन् ।
जित निकाल्दै चितवनको लक्ष्य प्लेअफमा पुग्नु रहेको छ भने पोखरा पहिलो जितको खोजीमा छ ।
चितवन २ खेलबाट ४ अंक जोड्दै तालिकाको दोस्रो स्थानमा छ । अंक विहिन पोखरा तालिकाको पुछारमा छ ।
-1735037168.JPG)
