एजेन्सी । इन्ग्लिश क्लब एभर्टनका आक्रामक मिडफिल्डर डेवी क्लासेन जर्मन क्लब वेर्डर ब्रेमेनमा अनुबन्धित भएका छन् । क्लासेनले शुक्रबार बुन्डेस लिगा क्लब ब्रेमेनसंग सम्झौता गरेका छन् ।
नेदरल्याण्डका २५ बर्षिय क्लासेनको सम्झौताबारे केहि बताईएको छैन । तर, क्लासेन १२ मिलियन पाउण्डमा ब्रेमेन आएको हुनसक्ने अन्तर्राष्ट्रिय समचार संस्थाहरुले जनाएको छ ।
गत सिजन आयाक्सबाट एभर्टन आएका क्लासेन एक सिजन क्लबमा रहेर जर्मन क्लब गएका हुन् । आयाक्सका पुर्व कप्तान समेत रहेका क्लासेनले एभर्टनबाट गत सिजन १६ खेल मात्र खेलेका थिए ।
