एजेन्सी । इन्ग्लिश प्रिमियर लिग फुटबलको नयाँ सिजन (२०१८–१९ ) को उद्घाटन खेलमा च्याम्पियन म्यानचेस्टर सिटी र आर्सनलबीच हुने भएको छ ।
बिहिबार सार्वजनिक भएको नयाँ सिजनको खेल तालिका अनुसार उद्घाटन खेलमा सिटी र आर्सनलबीच प्रतिस्पर्धा हुने भएको हो । प्रिमियर लिगको नयाँ सिजन आगामी अगस्ट ११ बाट सुरु हुँदैछ ।
प्रिमियर लिगको उद्घाटन खेल आर्सनलको घरेलु मैदानमा हुनेछ । प्रिमियर लिगको नयाँ सिजन सुरु भएको साता अन्य ९ खेल हुनेछ । यो सिजन प्रिमियर लिगमा बढुवा भएका तीन क्लबसहित २० क्लबले प्रतिस्पर्धा गर्ने छन् ।
