एजेन्सी । भारतका कप्तान विराट कोहली टेष्ट क्रिकेटमा सात पटक दोहोरो शतक पुरा गर्ने पहिलो भारतीय खेलाडी बनेका छन् ।
घरेलु भूमिमा दक्षिण अफ्रिकाविरुद्ध जारी दोस्रो टेष्टमा दोहोरो शतक पुरा गर्दै कप्तान कोहलीले कीर्तिमान बनाएका हुन् ।
पुनेमा जारी खेलको दोस्रो दिन शुक्रबार कोहलीले दोहोरो शतक बनाएका हुन् । कोहलीले २९५ बलमा २०० रन पुरा गरे ।
कोहलीले ६ फरक राष्ट्रविरुद्ध दोहोरो शतक समेत पुरा गरे । कोहलीले यसअघि वेष्ट इण्डिज,न्युजिल्याण्ड, बंगलादेश, श्रीलंका र इंग्ल्याण्डविरुद्ध दोहोरो शतक बनाएका थिए ।
दक्षिण अफ्रिकाविरुद्ध दोहोरो शतक बनाएसँगै कोहलीले टेष्ट क्रिकेटमा ७ हजार रन समेत पुरा गरे ।
![](https://pbs.twimg.com/media/EGlklbSVAAAkbCz.jpg)