एजेन्सी । इन्ग्लिश क्लब म्यानचेस्टर युनाइटेडले इन्टरनेसनल च्याम्पियन्स कप फुटबलमा जित निकालेको छ । बिहिबार भएको खेलमा युनाइटेडले इटालियन क्लब एसी मिलानलाई सडन डेथमा ९–८ गोल अन्तरले हराएको हो ।
अमेरिकाको लस एन्जल्समा भएको खेलको निर्धारित समय १–१ गोलको बराबरी भएपछि खेल टाइब्रेकरमा पुगेको थियो । तर, टाइब्रेकरमा पनि ३–३ गोलको बराबरी भएपछि खेल सडन डेथमा पुगेको थियो । सडन डेथमा भने युनाइटेडलाई सफलता मिल्यो । एसी मिलानका फ्रान्च्क केस्सीले पेनाल्टीमा गोल गर्न नसक्दा युनाइटेडले जित निकालेको हो ।
यसअघि खेलको १२ औं मिनेटमा एलेक्सिस सान्चेजले गोल गर्दै युनाइटेडलाई सुरुवाती अग्रता दिलाएका थिए । तर, खेलको १५ औं मिनेटमा एसी मिलानका सुसोले गोल गर्दै खेल १–१ को बराबरीमा ल्याएका थिए ।
