काठमाडौं । नेपाली क्रिकेटकै सर्वाधिक पुरस्कार राशिको क्रिकेट प्रतियोगिता धनगढी प्रिमियर लिग (डीपीएल) को चौथो संस्करण फागुनमा आयोजना हुने भएको छ ।
आयोजक धनगढी क्रिकेट एकेडमीले बिहिबार प्रेस विज्ञप्ति निकाल्दै डीपीएल फागुन पहिलो साताबाट सुरु हुने जनाएको छ । धनगढीको फाप्ला क्रिकेट मैदानमा हुने प्रतियोगिता फागुन ३ देखि १५ गतेसम्म हुनेछ ।
प्रतियोगितामा ६ सहरका ६ फ्रेन्चाइज टिमको सहभागिता रहने छ ।
अघिल्लो संस्करणको उपाधि सिवाइसी अत्तरियाले जितेको थियो । उपाधिसँगै अत्तरियाले ३० लाख रकम हात पारेको थियो ।
-1734511871.jpeg)
