एजेन्सी । घरेलु टोलि पाकिस्तानले श्रीलंकाविरुद्धको एकदिवसीय क्रिकेट सिरिज जितेको छ ।
बुधबार राति भएको तेस्रो तथा अन्तिम एकदिवसीयमा ५ विकेटको जित निकाल्दै पाकिस्तानले सिरिज २-० ले जितेको हो । यसअघि दुईबीचको पहिलो खेल रद्द भएको थियो । दोस्रो खेल भने पाकिस्तानले ७६ रनले जितेको थियो ।
कराचीमा श्रीलंकाले दिएको २९८ रनको लक्ष्य पाकिस्तानले ४८ ओभर २ बलमा मात्र ५ विकेट गुमाएर पुरा गर्यो । पाकिस्तानको जितमा फखर जमानले ७६ रनको अर्धशतकीय इनिङ्स खेल्दा अबिद अलीले ७४ रनको अर्धशतकीय इनिङ्स खेले । यस्तै हरिस सोहिलले ५६ रन बनाए । श्रीलंकाका नुवान प्रदीपले २ विकेट लिए ।
यसअघि टस जितेर पहिले ब्याटिङ गरेको श्रीलंकाले ५० ओभरमा ९ विकेट गुमाएर १९७ रन बनाएको थियो । श्रीलंकाका लागि दनुस्का गुनाथिलकाले १३३ रनको शतकीय इनिङ्स खेले । यस्तै डसुन सनकाले ४३ रन बनाए । पाकिस्तानका मोहमद आमिरले ३ विकेट लिए ।
अब दुई टोलीबीच तीन खेलको टी-ट्वान्टी सिरिज हुनेछ ।
