एजेन्सी । चेल्सीका मिडफिल्डर सेस फाब्रिगासले स्पेनको इबिजामा विवाह पार्टीको आयोजना गरेका छन् । प्रेमिका डानियला सिमनसंग विवाह गरेका फाब्रिगासले दुई महिनापछि विवाह पार्टी दिएका हुन् ।
पुर्व स्पेनिस मिडफिल्डर फाब्रिगासको पार्टीमा पुर्व क्लब बार्सिलोना, आर्सनल र चेल्सीका खेलाडीहरुको बाहुल्यता रहेको थियो । पार्टीमा बार्सिलोनाका स्टार लियोनल मेस्सी, लुइस स्वारेज, सर्जियो बुस्केट्स, पेड्रो, पुर्व खेलाडी कार्लोस पुयोल लगायतका खेलाडीहरु श्रीमतीसहित उपस्थित भएका थिए ।
यस्तै आर्सनलका पुर्व खेलाडी थिएरी हेनरी, जेन्स लेहमान, चेल्सीका पुर्व खेलाडी जोन टेरी, अहिलेका टिम मेट नेगोलो कान्टे, जाभी अलोन्सा लगायतका खेलाडीहरुको उपस्थिति रहेको थियो ।
विश्वकप बिजेता स्पेनिस टोलीका सदस्य फाब्रिगासले गत मे १५ मा लेबनान मुलकी आफूभन्दा १२ बर्ष जेठी प्रेमिका सिमनसंग विवाह गरेका थिए । पहिलो प्रेमिका कार्ला गार्सियासंग सम्बन्ध बिच्छेद भएपछि फाब्रिगास सन् २०११ बाट ४२ बर्षिय सिमनसंग डेट गरिरहेका थिए । दुवैको अहिले एक छोरा र दुई छोरी रहेका छन् ।
फाब्रिगासको विहे पार्टीको तस्बिर :
