काठमाडौं । सिंगापुरमा हुने तीन राष्ट्रबीचको त्रिकोणात्मक टी-ट्वान्टी क्रिकेट सिरिजको पहिलो खेलमा नेपालले आज जिम्बावेविरुद्ध प्रतिस्पर्धा गर्दैछ ।
इन्डियन एसोसियसनको मैदानमा नेपालले साँझ टेष्ट राष्ट्र जिम्बावेको सामना गर्नेछ । नेपाल र जिम्बावेबीचको खेल नेपाली समय अनुसार साँझ ५:१५ मा सुरु हुनेछ ।
नेपाल र जिम्बावेबीच हुने खेलको प्रत्यक्ष प्रशारण समेत हुनेछ ।
सिंगापुर क्रिकेटका अनुसार सिरिजका सबै खेलविसी स्पोर्ट्सको फेसबुक पेजबाट प्रत्यक्ष प्रशारण हुनेछ । यस्तै युट्युब च्यानलबाट पनि प्रत्यक्ष प्रशारण हुनेछ ।
सिरिजका लागि नेपाली टिम सिंगापुर पुगिसकेको छ । यस्तै शनिबार नेपालले सिंगापुरसँग खेल्नेछ । डबल राउण्ड रोबिनको आधारमा हुने सिरिजमा नेपालले जिम्वाबेसँग अर्को साताको मंगलबार दोस्रो खेल खेल्नेछ ।
यस्तै अर्को साताको बुधबार सिंगापुरसँग खेल्नेछ ।
डबल राउण्ड रोबिनको आधारमा हुने सिरिजको शीर्ष दुई टोलीले फाइनल खेल्नेछ ।
-1735306900.JPG)
