एजेन्सी । पाहुना टोली दक्षिण अफ्रिकाविरुद्धको दुई खेलको टेष्ट सिरिज श्रीलंकाले जितेको छ । दोस्रो तथा अन्तिम टेष्टमा सोमबार दक्षिण अफ्रिकालाई १९९ रनले पराजित गर्दै श्रीलंकाले सिरिज २ – ० ले जितेको हो ।
कोलम्बोमा श्रीलंकाले दिएको ४९० रनको उच्च लक्ष्यसहित दोस्रो पारी थालेको पाहुना टोली चौथो दिन २९० रनमा समेटियो । दक्षिण अफ्रिकाका थयूनिस डी ब्रुयनले १०१ रनको शतकीय पारी खेलेपनि टोलीको हार जोगाउन सकेनन् । यस्तै उसका तेम्बा बावुमाले ६३ रन जोडे । दक्षिण अफ्रिकाको पारी ध्वस्त बनाउन घरेलु टोलीका रंगना हेराथ एक्कैले ६ विकेट लिए । यस्तै दिल्रुवान परेरा र अकिला दनंजयले समान २/२ विकेट लिए ।
यसअघि पहिलो पारीमा श्रीलंकाले ३३८ रनको उच्च योगफल तयार गरेको थियो । यस्तै दोस्रो पारीमा २७५ रन जोड्दै श्रीलंकाले दक्षिण अफ्रिकालाई ४९० रनको लक्ष्य दिएको थियो । पहिलो पारीमा दक्षिण अफ्रिका १२४ रनमा अलआउट भएको थियो ।
-1732845388.webp)
