काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको टिम बार्बाडोस ट्रिडेन्टले क्यारेबियन क्रिकेट लिग (सीपीएल) क्रिकेटमा अहिले गुएना अमेजन वारिवर्सविरुद्ध प्रतिस्पर्धा गरिरहेको छ ।
ब्रिजटाउनमा जारी बार्बाडोस र गुएनाबीचको खेल वर्षाको कारण रोकिएको छ । बार्बाडोसले दिएको १३९ रनको लक्ष्यसहित गुएनाले जवाफी ब्याटिङ गरिरहदा वर्षाको कारण खेल रोकिएको हो ।
वर्षाले खेल रोकिनु अघि गुएनाले १० ओभरमा २ विकेट गुमाएर ७७ रन जोडेको छ । गुएनालाई जित निकाल्न ६० बलमा ६२ रन आवश्यक छ ।
खेलमा सन्दीपले ३ ओभरमा २१ रन खर्चेर १ विकेट लिएका छन् ।
चार खेलमा २ जित र २ हार व्यहोरेको बार्बाडोस ४ अंक जोडेर लिगको चौंथो स्थानमा रहेको छ ।
गुएना अपराजित रहेको छ र गुएना ५ खेलमा ५ जित निकाल्दै १० अंक जोडेर शीर्ष स्थानमा रहेको छ ।
