एजेन्सी । लण्डन क्लब चेल्सीले जितसंगै नयाँ सिजनको सुरुवात गरेको छ । प्रि सिजन भ्रमणकालागि अष्ट्रेलियामा रहेको चेल्सीले पर्थ ग्लोरीलाई १–० गोल अन्तरले पराजित गरेको हो ।
पेड्रोले सुरुवाती मिनेटमै दिलाएका अग्रता चेल्सीको जितमा निर्णायक बन्यो । उनले खेल सुरु भएको पाँचौ मिनेटमा लण्डन क्लबकालागि गोल गरेका थिए ।
खेलमा अल्भारो मोराटा र रोस बार्लीले केही सुनौला अवसर गुमाएका थिए । चेल्सीको कमाण्ड समाल्न आईपुगेका माउरिजियो सररीले जितसंगै सिजनको सुरुवात गरेका छन् ।
विश्वकमा सहभागिता जनाएका इडेन हजार्ड लगायतका खेलाडी प्रि सिजन भ्रमणमा थिएनन् । चेल्सीका नयाँ मिडफिल्डर जोर्गिन्हाले अष्टे«लियन ए लिग टिमविरुद्ध डेब्यु गरे । उनी इटालियन क्लब नापोलीबाट ५० मिलियन पाउण्डमा नयाँ सिजनकालागि चेल्सी आएका छन् ।
चेल्सीले अब इन्टरनेश्नल च्याम्पियन्स कप अन्तर्गत फ्रान्समा इन्टर मिलानसंग प्रतिस्पर्धा गर्नेछ । लगत्तै चेल्सीले घरेलु मैदान स्टामफोर्ड ब्रिजमा लियोनसंग खेल्नेछ ।
-1734842793.webp)
