काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको टिम बार्बाडोस ट्रिडेन्टले क्यारेबियन क्रिकेट लिग (सीपीएल) क्रिकेटमा भोलि (शनिबार ) बिहान सेन्ट लुसिया जुक्सविरुद्ध प्रतिस्पर्धा गर्दैछ ।
ग्रोस आइस्लेटमा हुने बार्बाडोस र लुसियाबीचको खेल नेपाली समय अनुसार विहान ५:४५ मा सुरु हुनेछ । लुसियाविरुद्ध मैदान उत्रदा बार्बाडोस दोस्रो जितको खोजीमा हुनेछ ।
तीन खेलमा १ जित र २ हार व्यहोरेको बार्बाडोस २ अंक जोडेर लिगको पाँचौ स्थानमा रहेको छ । बार्बाडोस जित निकाल्दै शीर्ष चारमा उक्लन चाहन्छ ।
लुसिया पनि दोस्रो जितको खोजीमा हुनेछ । लुसियाले ४ खेलमा १ जित र ३ हार व्जियहोरेको छ । र, लिगको चौंथो स्थानमा छ ।
लुसियाविरुद्धको खेलमा युवा लेग स्पिनर सन्दीप टिममा पर्ने सम्भावना बलियो रहेको छ । अघिल्ला खेलमा उच्च प्रदर्शन गरेको कारण सन्दीप प्लेईङ-११ मा पर्ने सम्भावना बलियो रहेको छ ।
सन्दीपले यस सिजन ३ खेलमा ४ विकेट हात पार्न सफल भईसकेका छन् ।
