एजेन्सी । भ्रमणकारी टोली म्यान्चेष्टर युनाईटेडले अमेरिकन क्लब सन जोस अर्थक्वेकसंग गोल रहित बराबरी खेलेको छ । प्रि सिजन टुरमा रहेको म्यान युले अमेरिकाका विभिन्न क्लबसंग अभ्यास खेल खेलिरहेको छ ।
भिसा समस्याका कारण एलेक्स साञ्चेज ढिलो गरि अमेरिका पुगेका थिए । दोस्रो हाफमा मैदानबाट प्रतिस्थापन हुनु अघि उनले उत्कृष्ट आक्रमण पेश गरेका थिए ।
खेलको सुरुवाती समयमा म्यान यु डिफेन्डर इरिक बेलीले गरेको प्रहार बारमा लागेर फर्किएको थियो । विश्वकप फुटबलले धेरै खेलाडी बिदामा रहेका कारण म्यान यु मुख्य खेलाडी बिनै मैदान उत्रिएको थियो ।
फ्रान्सका पाउल पोग्बा, बेल्जियमका रोमेलु लुकाकु इङ्ल्याण्डका जिसे लिङ्गार्ड र मार्कोस रसफोर्ड म्यान युको टोलीमा अनुपस्थित थिए । सान्चेजसंगै एन्थोनी मार्सियलले खेलको सुरुवाती गरेका थिए ।
लेभी स्टेडियममा सन जोसले १५ खेलाडीलाई प्रतिस्थापन गरेको थियो । म्यान युका प्रशिक्षक जोसे माउरिन्हो पहिलो हाफमा कप्तान एन्टोनी भ्यालेन्सियाले चोट बोक्दा खेलमा देखिएका थिए ।
