एजेन्सी । जर्मन क्लब बोरुसिया डर्टमण्डले इन्टरनेशनल च्याम्पियन्स कपमा लिभरपुललाई पराजित गरेको छ । सोमबार बिहान भएको खेलमा डर्टमण्डले लिभरपुललाई ३-१ गोल अन्तरले पराजित गरेको हो ।
लिभरपुलले लिएको सुरुवाती अग्रता उल्टाएर डर्टमण्डले जित निकालेको हो । डर्टमण्डको जितमा क्रिस्टियन पुलिसिकले २ गोल गरे । यस्तै ज्याकोब लार्सनले १ गोल थपे । लिभरपुलका भिर्गिल भान जिकले एक गोल फर्काए ।
डर्टमण्डको यो लगातार दोस्रो जित हो । पहिलो खेलमा डर्टमण्डले म्यानचेस्टर सिटीलाई पराजित गरेको थियो ।
