ललितपुर । उपराष्ट्रपति कप महिला राष्ट्रिय लिग फुटबल प्रतियोगिता अाज सुरु हुदैछ । सातदाेबाटाेस्थित एन्फा टेक्निकल सेन्टरमा दिउँसाे १ बजे हुने उद्घाटन खेलमा दुई विभागीय टोली नेपाल पुलिस र नेपाल आर्मी भिड्नेछन् ।
त्यस्तै दोस्रो खेलमा रौटहट र काठमाडौं साढे तीन बजे प्रतिस्पर्धा गर्ने छन् ।
पाँच टोली सहभागी लिगमा तीन विभागीय टोली नेपाल पुलिस क्लब, एपिएफ क्लब र नेपाल आर्मीसहित काठमाडौैं र रौतहटले प्रतिस्पर्धा गर्ने छन् । रौटहट र काठमाडौं जिल्ला राष्ट्रिय फुटबल प्रतियोगिताको फाइनल विजेता हुन् ।
९ दिनसम्म चल्ने लिगको विजेताले दुई लाख पाउने छ । उपविजेताले एक लाख प्राप्त गर्नेछ ।
