एजेन्सी । श्रीलंकाका ब्याट्सम्यान दनुस्का गुनाथिलकालाई अन्तर्राष्ट्रिय क्रिकेटमा प्रतिबन्ध लागेको छ । श्रीलंका क्रिकेटले आइतबार ब्याट्सम्यान गुनाथिलकालाई सबैखाले क्रिकेटमा प्रतिबन्ध लगाएको हो ।
खेलाडी आचार संहिता उलंघन गरेको भन्दै श्रीलंका क्रिकेटले गुनाथिलकालाई प्रतिबन्ध लगाएको हो । तर, प्रतिबन्धको अवधि भने खुलाईएको छैन ।
गुनाथिलकालाई प्रतिबन्ध लगाएको बारे क्रिकेट श्रीलंकाले प्रेस विज्ञप्तिमा भनेको छ, 'खेलाडी आचार संहिता उलंघन गरेको कारण क्रिकेट श्रीलंकाले गुनाथिलकालाई सबैखाले फर्म्याटको अन्तर्राष्ट्रिय क्रिकेटमा प्रतिबन्ध लगाउने निर्णय गरेको छ । उनले आचार संहितालाई उलंघन गरेको टिम व्यवस्थापनले जनाएको छ ।'
कोलम्बोमा जारी दोस्रो टेष्टमा गुनाथिलका टोलीमा रहेका छन् ।क्रिकेट श्रीलंकाले दक्षिण अफ्रीकाविरुद्धको दोस्रो टेष्ट जारी रहदा २७ बर्षीय अलराउन्डर गुनाथिलकालाई प्रतिबन्ध लगाउने निर्णय गरेको हो ।
-1732845388.webp)
