काठमाडौं । ब्लु बर्ड अन्तराष्ट्रिय कलेजले टेक्सस इन्डोर कलेज क्रिकेट च्याम्पियनसिपको उपाधि जितेको छ ।
आइतबार भएको फाइनलमा ब्लु बर्डले ग्लेसियर कलेजलाई ४२ रनले हरायो । उपाधिसँगै ब्लु बर्डले ५१ हजार पुरस्कार पाएका छन् । यस्तै उपविजेता बनेको ग्लेसियरले २५ हजार ५ सय नगद पाए ।
ब्लु बर्डका विवेक राना मगर प्लेयर अफ दि सिरिज चुनिए । उनले काठमाडौं देखि पोखरासम्म आउने जाने हवाई टिकट पाउने छन् । ओजस्वी कलेजका अभियान बस्नेत उत्कृष्ट बलर र ब्याट्सम्यान घोषित भए । उनले =ले पोखरामा एकतर्फी हवाई टिकट पाएका छन् ।
आयोजक आरजी इभेन्ट्स कम्पनिले आयोजना गरेको प्रतियोगितामा २४ कलेजको सहभागिता रहेको थियो ।
