एजेन्सी । इंग्ल्याण्ड र अष्ट्रेलियाबीचको बहुचर्चित एसेज सिरिज २-२ को बराबरीमा सकिएको छ ।
पाँचौं तथा अन्तिम टेष्टमा आइतबार इंग्ल्याण्डले अष्ट्रेलियालाई १३५ रनले पराजित गरेपछि पाँच खेलको सिरिज बराबरीमा सकिएको हो ।
यसअघि पहिलो खेल पहिलो र चौंथो टेष्ट अष्ट्रेलियाले जितेको थियो भने तेस्रो टेष्ट इंग्ल्याण्डले जितेको थियो । दुईबीचको दोस्रो टेष्ट भने ड्र भएको थियो ।
द ओभलमा इंग्ल्याण्डले दिएको ३९९ रनको लक्ष्यसहित दोस्रो इनिङ्स थालेको अष्ट्रेलिया ७७ ओभरमा अलआउट हुँदै २६३ रनमा समेटियो । म्याथ्यु वेडले ११७ रनको शतकीय इनिङ्स खेलेपनि अष्ट्रेलियाले जित निकाल्न सकेन् ।
अष्ट्रेलियालाई रोक्न ज्याक लिच र स्टुवार्ड बोर्डले ४/४ विकेट लिए । जोय रुटको नाममा दुई विकेट लिए ।
यसअघि पहिलो इनिङ्समा २९४ रन बनाएको इंग्ल्याण्डले दोस्रो इनिङ्समा अलआउट हुँदै ३२९ रन बनाएको थियो । अष्ट्रेलियाले पहिलो इनिङ्समा २२५ रन बनाएको थियो ।
