काठमाडौं । उपराष्ट्रपति कप महिला राष्ट्रिय लिग फुटबल प्रतियोगिता भोली (सोमबार) बाट सुरु हुने भएको छ । अखिल नेपाल फुटबल संघ (एन्फा) ले सोमबारबाट महिला लिग आयोजना गर्ने जानकारी गराएको छ ।
पाँच टोली सहभागी हुने लिग ललितपुरस्थित एन्फा कम्प्लेक्स सातदोबाटोमा हुनेछ । लिगमा तीन विभागीय टोली नेपाल पुलिस क्लब, एपिएफ क्लब र नेपाल आर्मीसहित काठमाडौैं र रौतहटले प्रतिस्पर्धा गर्ने छन् । रौटहट र काठमाडौं जिल्ला राष्ट्रिय फुटबल प्रतियोगिताको फाइनल विजेता हुन् ।
दिउँसो १ बजे हुने उद्धाटन खेलमा दुई विभागीय टोली नेपाल पुलिस र नेपाल आर्मीबिच हुनेछ । त्यस्तै दोस्रो खेलमा रौटहट र काठमाडौं साढे तीन बजे प्रतिस्पर्धा गर्ने छन् ।
९ दिनसम्म चल्ने लिगको विजेताले दुई लाख पाउने छ । उपविजेताले एक लाख प्राप्त गर्नेछ ।
