काठमाडौं । एसीसी यू-१९ एसिया कप क्रिकेटका लागि श्रीलंकामा रहेको नेपाली टोलीलाई नेपाली राष्ट्रिय क्रिकेट टोलीका पूर्व प्रशिक्षक रोय लुक डायसले ब्याटिङको प्रशिक्षण दिएका छन् ।
एसिया कप अन्तर्गत श्रीलंकासँगको खेलअघि पूर्व प्रशिक्षक डायसले बिहिबार नेपाली टोलीलाई ब्याटिङ गर्ने तरिका सिकाएका थिए । श्रीलंकन प्रशिक्षक डायसले सन् २०१० सम्म नेपालको मुख्य प्रशिक्षक रहेर काम गरेका थिए ।
प्रतियोगिताको समूह 'बी' मा रहेको नेपालले भोलि श्रीलंका खेल्नेछ ।
यस्तै दोस्रो खेलमा नेपालले भदौ २२ गते बंगलादेश र अन्तिम खेलमा भदौ २४ गते युएईसँग खेल्नेछ ।
अर्को समूहमा भारत, पाकिस्तान, अफगानिस्तान र कुवेत रहेका छन् । समूहको शीर्ष दुई टोलीले सेमिफाइनलमा स्थान बनाउने छन् ।
