एजेन्सी । पाकिस्तानका पूर्व कप्तान मिस्बाह उल हक पाकिस्तानी क्रिकेट टिमका मुख्य प्रशिक्षक नियुक्त भएका छन् ।
पाकिस्तान क्रिकेट बोर्डले बुधबार ४४ वर्षे मिस्बाहलाई मुख्य प्रशिक्षक चयन गरेको हो । यस्तै बोर्डले मिस्बाहलाई राष्ट्रिय टिम छनोट प्रमुखको जिम्मेवारी समेत दिएको छ ।
पाकिस्तान क्रिकेट टिमको मुख्य प्रशिक्षक बन्न उल हकले हालै पाकिस्तान क्रिकेट बोर्ड सदस्य पद त्याग गरेका थिए ।
यस्तै पाकिस्तानले पूर्व फास्ट बलर वकार युनिसलाई बलिङ प्रशिक्षक नियुक्त गरेको छ ।
