काठमाडौं । नेपाली राष्ट्रिय क्रिकेट टोलीका ओपनर ब्याट्सम्यान ज्ञानेन्द्र मल्लले ओमानमा आयोजना हुने पाँच राष्ट्रबीच हुने टी-ट्वान्टी क्रिकेट प्रतियोगिता नखेल्ने भएका छन् ।
ज्ञानेन्द्रले व्यक्तिगत कारण उक्त प्रतियोगिता नखेल्ने नेपाली राष्ट्रिय क्रिकेट टिमको मिडिया म्यानेजर सुरज शाक्यले जानकारी गराएका छन् ।
ओमान क्रिकेटले आयोजना गर्ने सिरिजमा नेपालसहित आयोजक ओमान, टेष्ट राष्ट्र आयरल्याण्ड, हङकङ र नेदरल्याण्डले प्रतिस्पर्धा गर्ने छन् ।
प्रतियोगिता असोज १८ देखि २३ सम्म हुनेछ ।
नेपालले पहिलो खेल हङकङसँग असोज १९ गते खेल्नेछ । यस्तै दोस्रो खेलमा नेदरल्याण्डसँग असोज २०, तेस्रो खेलमा आयरल्याण्डसँग असोज २२ र अन्तिम खेलमा नेपालले ओमानसँग असोज २३ गते खेल्ने छ ।
युएईमा आयोजना हुने आईसीसी टी-ट्वान्टी विश्वकपको ग्लोबल छनोट अघि ओमानले पाँच राष्ट्रबीचको सिरिज खेलाउन लागेको हो । नेपाल ग्लोबल छनोटमा नपुगे पनि ओमानले आमन्त्रण गरिसकेको कारण नेपालले सहभागिता जनाउन लागेको हो ।
खेल तालिका :
![](https://scontent.fktm3-1.fna.fbcdn.net/v/t1.15752-9/68406068_337085803864538_825050916775264256_n.jpg?_nc_cat=106&_nc_eui2=AeHQA_yTW8Ngb7JfE1TN4ZTiip0tioe5uI47Yw_mtswEJCvgCwBC2AV_tMYEE8HAJm8AikWjikYWCTdmloHrhEVye5iO8ldTv3IDNUplQdlY0w&_nc_oc=AQmHMlRARl5k3SrW7g-cWwBfE3niR1xqTGICBRptpEnLbjiiLd1xwPYTE-18H7WNLlE&_nc_ht=scontent.fktm3-1.fna&oh=0469c6492b7f434b1cb1952d9ee865c2&oe=5DEB67A4)