काठमाडौं । नेपाली क्रिकेट टिमका युवा स्पिनर सन्दीप लामिछाने गायन क्षेत्रमा प्रवेश गरेका छन् । सन्दीपले बुधबार ‘उदास’ बोलको गीत सार्वजनिक गरेका छ ।
राजधानीमा आयोजित एक कार्यक्रममा सन्दीपले प्रतिक्षा नामक एल्बलमा समेटिएको यो गीतको भिडियो पनि सार्वजनिक गरिएको थियो । सन्दीपले बिनोद तिमल्सिनाको शब्दमा आफ्नै कम्पोजमा उदास गीत सार्वजनिक गरेका हुन् । क्रिकेटसंगै गीत संगीतमा रुची राख्ने सन्दीपले एक बर्षबाटै एल्बम ल्याउन तयारी गरिरहेका थिए ।
१७ बर्षिय लेग स्पिनर सन्दीपले युरोप भ्रमणअघि गीत र म्युजिक भिडियो सार्वजनिक गरेका हुन् । सन्दीप नेपाली टोलीसंगै इंग्ल्यान्डको लर्ड्समा हुने त्रिकोणात्मक टी-ट्वान्टी सिरिज र नेदरल्याण्डसंगको एकदिवसीय क्रिकेट सिरिज खेल्न बिहिबार त्यसतर्फ जानेछन् ।
उक्त कार्यकममा निम्बुसले सन्दीपलाई सम्मान समेत गरेको छ । निम्बुसले सन्दीपलाई ५० हजार रुपैयाबाट सम्मान गरेको हो ।
