सप्तरी । मेयर कप सप्तरी प्रिमियर लिग उपाधिकालागि बजाज खडक वारियर्स र बादे बर्साईन थन्डर्स भिड्ने भएका छन्। समुह चरणको अन्तिम खेलमा बजाज खडक वारियर्सले तिलाठी कोइलाडी महिन्द्रा हिरोजलाई पराजित गर्दै बादे बर्साईन थन्डर्ससंगको उपाधि भिडन्त पक्का गरेको हो ।
लिग चरणमा सतप्रतिशत जित निकालेको वारियर्स समुह विजेताको रुपमा फाईनल पुग्यो । समुह चरणका चार खेलमा मात्र दुई खेल जितेको थन्डर्स उपविजेताको हैसियतामा उपाधि भिडन्त पक्का ग¥यो । राष्ट्रिय टिमका पुर्व स्टार खेलाडी मेहबुब आलम कप्तानीको तिलाठी कोइलाडी चारै खेलमा पराजित हुन पुग्यो ।
फाईनल खेल भोली ११ बजे हुने आयोजकले जनाएको छ ।
टस जितेर वारियर्सले फिल्डिङ रोजेपछि ब्याटिंङ्गमा उत्रिएको तिलाठी कोइलाडीले २० ओभरमा ९ विकेट गुमाएर १ सय १२ रन बनाएको थियो । ओपनर राहुल मण्डलले सर्वाधिक ३० रन बनाएको इनिङ्समा संसाद शेखले २२ तथा बिकाश दासले १६ रन बनाएका थिए ।
बलिङ्गतर्फ खडक वारियर्स गोमनन्द अमथ, उपेन्द्र रोय, बिबेक यादब र पुष्प थापाले समान २÷२ विकेट लिएका थिए । १ सय १३ रनको लक्ष्य वारियर्सले १६ दशमलव ५ ओभरमा पुरा ग¥यो ।
ओपनर हरिशंकर शाहले अविजित ४७ रन बनाएको इनिङ्समा कप्तान बिबेक यादबले अविजित ४२ रन बनाए । अल राउण्ड योगदान दिएका कप्तान बिबेक यादब खेलको म्यान अफ द म्याच घोषित भए ।
