एजेन्सी । इन्ग्लिश क्लब म्यानचेस्टर युनाइटेडका फरवार्ड एन्थोनी मार्सियल क्लब छाड्ने मनस्थितिमा पुगेका छन् ।
मार्सियलका एजेण्ड फिलिप लम्बोलेले यो समरमा मार्सियलले क्लब छाड्न चाहेको बताएका छन् । एजेण्ड लम्बोलेले मार्सियलसँग युनाइटेडले अनुबन्ध सम्झौता बढाउन चाहेको भएपनि सम्झौताको प्रक्रियामा नपुगेको जानकारी गराए ।
फ्रेन्चम्यान मार्सियल सन् २०१५ मा ३६ मिलियन पाउण्डमा युनाइटेड आएका थिए । मार्सियलले गत सिजन ४५ खेलमा ११ गोल गरेका थिए । युनाइटेडले गत जनवरीमा एलेक्सिस सान्चेज क्लबमा भित्राएपछि मार्सियलले युनाइटेडमा कम मौका पाउदै आएका छन् ।
मार्सियलले युनाइटेडबाट युरोपा कप, एफए कप र इएफएल कप जितेका छन् ।
मार्सियल रुस विश्वकप खेल्ने फ्रान्सको टोलीमा समेत अटाएनन । युनाइटेडमा नियमित खेल्न नपाएपछि मार्सियल फ्रान्सको टोलीमा नपरेका हुन् ।
