काठमाडौं । शोबिज स्पोर्ट्स नेपालको क्रिकेट टिमले श्रीलंकामा आयोजना हुने दोस्रो अन्तर्राष्ट्रिय क्रिकेट कार्निभलमा सहभागिता जनाउने भएका छन् ।
आइतबारबाट सुरु हुने कार्निभलका लागि शोबिज स्पोर्ट्सको टिम शनिबार श्रीलंका प्रस्थान गरेका छन् । कार्निभल आगामी अगष्ट २४ सम्म हुनेछ ।
ग्रेट स्पोर्ट्स स्टेप श्रीलंकाको आयोजनामा हुने कार्निभलमा नेपाली टोलीले पहिलो पटक सहभागिता जनाउन लागेको हो ।
श्रीलंका जाने टिमको कप्तानीमा अंकित प्रताप सिंह र उपकप्तानमा मणिरत्न कुमार शाह रहेका छन् । त्यस्तै टोलीमा विवेक बुढाथोकी, सबिन बोगटी, सफल केसी, अभियान बस्नेत, अफजल मन्सुर, आयुष लामिछाने, रभी सिंह, पवन ओली, गणेश गौतम, रमेश शर्मा रहेका छन् । टिम प्रशिक्षक मोहन कुमार साह रहेका छन्।
कार्निभलको दौरान शोबिज स्पोर्ट्सले ग्रेट स्पोर्ट्स स्टेपको टोलिसंग ४ मैत्रीपूर्ण खेल खेल्नेछन् ।
शोबिज स्पोर्ट्सले यस अघि थाईल्याण्ड र मलेसियाको भ्रमण गरिसकेको छ।
-1736344782.jpeg)
