एजेन्सी । भारतीय क्रिकेट टोलीका पूर्व ओपनर ब्याट्सम्यान भीबी चन्द्रशेखरले आत्महत्या गरेका छन् ।
क्रिकेट कमेन्टेटर समेत रहेका चन्द्रशेखरले बिहिबार झुण्डिएर आत्महत्या गरेको टाइम्स अफ इण्डियाले जनाएको छ ।
५८ वर्षे चन्द्रशेखरले चेन्नईस्थित आफ्नो घरको कोठाको सिलिङमा झुण्डिएर आत्महत्या गरेका हुन् । तर, उनले आत्महत्या गर्नुको कारण भने खुलेको छैन ।
चेन्नई प्रहरीको अनुसार उनले कुनै सुसाइड नोट नराखेको जनाएको छ । पछिल्लो समय क्रिकेटको व्यापार घटेपछि चन्द्रशेखर डिप्रेसनमा गएको पारिवारिक स्रोतले जनाएको प्रहरीले बताएको छ ।
चन्द्रशेखरले भारतबाट ७ एकदिवसीय क्रिकेट खेलेका थिए । यस्तै उनले ८१ पहिलो श्रेणीको क्रिकेट खेल्दा ४१ लिष्ट 'ए' क्रिकेट खेलेका थिए ।
-1736344782.jpeg)
