एजेन्सी । न्युजिल्याण्डका पूर्व क्रिकेटर ब्रेण्डन म्याकुलम भारतको चर्चित फ्रेन्चाइज लिग इण्डियन प्रिमिएर लिग (आईपीएल) टिम कोलकत्ता नाइट राईडर्सको मुख्य प्रशिक्षक नियुक्त भएका छन् ।
कोलकत्ताले बिहिबार म्याकुलमलाई मुख्य प्रशिक्षकको जिम्मेवारी दिएको हो । यस्तै कोलकत्ताले सिमोन कटीचलाई सहायक प्रशिक्षक नियुक्त गरेको छ ।
न्युजिल्याण्डको पूर्व कप्तान समेत रहेका ३७ वर्षे म्याकुलम कोलकत्ताका पूर्व खेलाडी समेत हुन् । उनले सन् २००८ देखि १० सम्म तथा २०१३ र १३ को सिजन कोलकत्ताबाट खेलेका थिए ।
मुख्य प्रशिक्षक नियुक्त भएपछि म्याकुलमले प्रशिक्षकको जिम्मेवारी पाउदा गौरव महसुस भएको बताए ।
'यो जिम्मेवारी पाउँदा म गौरवाम्बित भएको छु । हामीसँग निकै उत्कृष्ट टिम छ । टिमलाई सफलता दिन स्टाफको सहयोग हुनेछ भन्ने विश्वास लिएको छु,' प्रशिक्षक म्याकुलमले भने ।
-1736344782.jpeg)
