काठमाडौं । क्यानडामा जारी ग्लोबल टी–ट्वान्टी क्रिकेटमा अहिले नेपाली लेग स्पिनर सन्दीप लामिछाने रहेको टोरन्टो नेसनल्स र मोन्टरियल टाइगर्सबीच प्रतिस्पर्धा हुँदैछ ।
सिएए क्रिकेट मैदानमा मोन्टरियलले टस जितेको छ र पहिले बलिङ गर्ने निर्णय गरेको छ । सन्दीपको टिम टोरन्टोले सुरुवातमा ब्याटिङ गर्नेछ ।
विवादका कारणका दुई टोलीबीचको खेल ढिला सुरु भएको हो । खेलाडीले पुरा पैसा नपाएको भन्दै होटल छाड्न अस्वीकार गरेपछि खेल ढिला सुरु भएको हो ।
मोन्टरियलविरुद्ध सन्दीप प्लेईङ सेटमा परेका छन् । अघिल्ला दुई खेलमा सन्दीपले २ विकेट लिएका छन् ।
दुवै टिम जित निकाल्ने लक्ष्यसहित मैदान उत्रने छन् । प्ले अफमा पुग्न दुवै टोलीलाई जित्नै पर्ने बाध्यता रहेको छ ।
सन्दीपको टिम टोरन्टो ५ खेलबाट ४ अंक जोडेर पाँचौ स्थानमा छ । टाइगर्स ५ खेलबाट ५ अंक जोडेर चौंथो स्थानमा छ ।
