काठमाडौं । नेपाली लेग स्पिनर सन्दीप लामिछाने रहेको टोरन्टो नेसनल्सले क्यानडामा जारी ग्लोबल टी–ट्वान्टी क्रिकेटमा बुधबार (आज) मोन्टरियल टाइगर्ससँग प्रतिस्पर्धा गर्दैछ ।
नेसनल्स र टाइगर्सबीचको खेल सिएए क्रिकेट मैदानमा हुनेछ । दोस्रो चरणको अन्तिम खेलको रुपमा रहेको दुई टोलीबीचको खेल नेपाली समय अनुसार राति १०:१५ मा सुरु हुनेछ ।
दुवै टिम जित निकाल्ने लक्ष्यसहित मैदान उत्रने छन् । प्ले अफमा पुग्न दुवै टोलीलाई जित्नै पर्ने बाध्यता रहेको छ ।
सन्दीपको टिम टोरन्टो ५ खेलबाट ४ अंक जोडेर पाँचौ स्थानमा छ । टाइगर्स ५ खेलबाट ५ अंक जोडेर चौंथो स्थानमा छ ।
टाइगर्सविरुद्ध सन्दीप प्लेईङ सेटमा पर्ने सम्भावना रहेको छ । तर, अघिल्ला दुई खेलमा सन्दीपले २ विकेट मात्र लिएका छन् ।
