काठमाडौं । क्यानडामा जारी ग्लोबल टी–ट्वान्टी क्रिकेटमा अहिले नेपाली लेग स्पिनर सन्दीप लामिछाने रहेको टोरन्टो नेसनल्स र ब्राम्पटन वुल्भ्सबीच प्रतिस्पर्धा भईरहेको छ ।
सिएए क्रिकेट मैदानमा वुल्भ्सले ब्याटिङ गरिरहेको छ । र, वुल्भ्सविरुद्ध टोरन्टोको प्लेईङ सेटमा परेका सन्दीपले पहिलो ओभरमा खराब बलिङ गरेका छन् ।
सन्दीपले पहिलो ओभरमा २४ रन खर्चिए । तर, विकेट लिन सकेनन् । उनले पहिलो ओभरमा २ चौका र २ छक्का पाएका थिए ।
आज दुवै टिम जित निकाल्ने लक्ष्यसहित मैदान उत्रिएका छन् । सन्दीपको टिम टोरन्टो ३ खेलबाट २ अंक जोडेर पाँचौ स्थानमा छ । टोरन्टो दोस्रो जितको खोजीमा रहेको छ ।
वुल्भ्स अपराजित रहेको छ । शीर्ष स्थानमा रहेको वुल्भ्सको ६ अंक रहेको छ ।
-1736475046.jpg)
