काठमाडौं । क्यानाडामा जारी दोस्रो संस्करणको ग्लोबल टी-ट्वान्टी क्रिकेट लिग अन्तर्गत अहिले नेपालका सन्दीप लामिछाने र सोमपाल कामी रहेको टिमले प्रतिस्पर्धा गरिरहेको छ ।
नेपालका ग्लोबल आइकन सन्दीपको टिम टोरन्टो नेसनल्स र सोमपालको टिम विनिपेग होक्सले प्रतिस्पर्धा गरिरहेको छ । सोमपालको टिम होक्सले टस जितेको छ र पहिले फिल्डिङ गर्ने निर्णय गरेको छ । सन्दीपको टिम ब्याटिङ गरिरहेको छ ।
तर, यस खेलमा नेपालका सन्दीप र सोमपाल दुवै प्लेईङ सेटमा परेका छैनन् ।
सिंगापुरमा सम्पन्न आईसीसी टी-ट्वान्टी विश्वकप छनोट अन्तर्गतको एसिया फाइनल खेलेर दुवै खेलाडी सोमबार क्यानडा पुगेका थिए ।
