काठमाडौं । नेपाली राष्ट्रिय क्रिकेट टोलीका कप्तान पारस खड्काले टी-ट्वान्टी अन्तराष्ट्रिय क्रिकेटमा ५ सय रन पुरा गरेका छन् ।
सिंगापुरमा जारी आईसीसी टी-ट्वान्टी विश्वकप छनोट अन्तर्गतको एसिया फाइनलमा घरेलु टोलीसँग ५ रन जोड्दै कप्तान पारसले ५ सय रन पुरा गरेका हुन् ।
कप्तान पारस टी-ट्वान्टी अन्तराष्ट्रियमा ५ सय पुरा गर्ने पहिलो नेपाली खेलाडी समेत बनेका छन् । पारसले २० खेलमा उक्त रन पुरा गरेका हुन् ।
टी-ट्वान्टी अन्तराष्ट्रियमा पारसको सर्वाधिक उच्च रन अविजित ८६ हो ।
कप्तान पारस टी-ट्वान्टी अन्तराष्ट्रियमा ३ अर्धशतक बनाउने पहिलो नेपाली खेलाडी समेत हुन् ।
