काठमाडौं । सिंगापुरमा जारी आईसीसी टी-ट्वान्टी विश्वकप छनोट अन्तर्गतको एसिया फाइनलको अन्तिम खेलमा नेपालले अहिले सिंगापुरविरुद्ध प्रतिस्पर्धा गरिरहेको छ ।
ईण्डियन एसोसियसन क्रिकेट मैदानमा सिंगापुरले टस जितेर पहिले ब्याटिङ गरिरहेको छ । सिंगापुरविरुद्ध बलिङ गरिरहेको नेपाललाई दोस्रो सफलता मिलेको छ ।
अविनास बोहोराले नेपाललाई दोस्रो सफलता दिलाए । अविनासले सिंगापुरका रोहन रंगराजनलाई ४९ रनमा आउट गरे ।
अविनासले दोस्रो विकेटका लागि रोहन र टिम डाभिडबीचको ८९ रनको साझेदारी तोडेका छन् ।
खेलको १० ओभर खेल जारी रहदा सिगापुरले २ विकेट गुमाएर १०० रन जोडेको छ ।
नेपाललाई आजको खेल निकै महत्वपूर्ण रहेको छ । विश्वकपको ग्लोबल छनोटमा पुग्न नेपाललाई जित्नै पर्ने बाध्यता छ ।
सिंगापुर पनि नेपाललाई हरायर ग्लोबल छनोटमा पुग्न चाहन्छ ।
-1736425921.jpeg)
