काठमाडौं । सिंगापुरमा जारी आईसीसी टी-ट्वान्टी विश्वकप छनोट अन्तर्गतको एसिया फाइनलको अन्तिम खेलमा नेपालले अहिले सिंगापुरविरुद्ध प्रतिस्पर्धा गरिरहेको छ ।
ईण्डियन एसोसियसन क्रिकेट मैदानमा सिंगापुरले पहिले ब्याटिङ गरिरहेको छ । र, नेपाललाई पहिलो सफलता मिलेको छ ।
करण केसीले नेपाललाई पहिलो सफलता दिलाए । करणले सिंगापुरका सुरेन्द्रन चन्द्रमोहनलाई ८ रनमा आउट गरे ।
खेलको २ ओभर सकिदा सिंगापुरले १ विकेट गुमाएर ११ रन जोडेको छ ।
नेपाललाई आजको खेल निकै महत्वपूर्ण रहेको छ । विश्वकपको ग्लोबल छनोटमा पुग्न नेपाललाई जित्नै पर्ने बाध्यता छ ।
सिंगापुर पनि नेपाललाई हरायर ग्लोबल छनोटमा पुग्न चाहन्छ ।