एजेन्सी । आयरल्याण्डविरुद्धको एक खेलको टेष्ट क्रिकेट सिरिज इंग्ल्याण्डले जितेको छ ।
लर्ड्समा शुक्रबार आयरल्याण्डलाई १४३ रनले पराजित गर्दै इंग्ल्याण्डले एक खेलको टेष्ट सिरिज जितेको हो ।
टेष्टको तेस्रो दिन इंग्ल्याण्डले दिएको १८२ रनको लक्ष्य पछ्याएको आयरल्याण्ड १५ ओभर ४ बलमा ३८ रन जोड्दा अलआउट भयो ।
पहिलो इनिङ्समा उत्कृष्ट प्रदर्शन गरेको आयरल्याण्ड दोस्रो इनिङ्समा भने सस्तैमा समेटियो । उसका लागि जेम्स म्याकुलमले सर्वाधिक ११ रन जोडे । अन्य खेलाडीले दोहोरो अंक जोड्न सकेनन् ।
दोस्रो इनिङ्समा इंग्ल्याण्डका क्रिस वोक्सले १७ रन खर्चेर ६ विकेट लिए । यस्तै स्टुवार्ड बोर्डले ४ विकेट लिए ।
यसअघि टस जितेर पहिले ब्याटिङ गरेको इंग्ल्याण्ड पहिलो इनिङ्समा ८५ रन जोड्दा अलआउट भएको थियो । तर, दोस्रो इनिङ्समा ३०३ रन जोड्दै इंग्ल्याण्डले आयरल्याण्डलाई सम्मानजनक लक्ष्य दिएको थियो ।
दोस्रो इनिङ्समा इंग्ल्याण्डका लागि ज्याक लिचले ९२ रन जोड्दा जासन रोयले ७२ रन बनाएका थिए । आयरल्याण्डका मार्क रिचार्ड र स्टुवार्ड थोम्प्सनले ३/३ विकेट लिए ।
यस्तै आयरल्याण्डले पहिलो इनिङ्समा २०७ रन जोडेको थियो ।
-1736389050.jpg)
