काठमाडौं । क्यानभास इन्डोर स्कुल क्रिकेट प्रतियोगिता अर्को साताबाट सुरु हुने भएको छ । क्यानभास बोर्डिङ स्कुलको आयोजनामा हुने प्रतियोगिता साउन १२ देखि १६ गतेसम्म संचालन हुनेछ ।
आयोजक क्यानभास स्कुलले शुक्रबार पत्रकार सम्मेलन गर्दै प्रतियोगिता रातोपुलस्थित नेपाल क्रिकेट एकेडमीमा हुने जनाएको छ ।
प्रतियोगितामा १६ विद्यालयले सहभागिता जनाउने छन् । लिग कम नकआउटका आधारमा हुने प्रतियोगितामा सहभागी १६ टोलीलाई ४ समूहमा विभाजन गरिएको छ । समूहको शीर्ष टिम सेमिफाइनलमा पुग्नेछन् ।
प्रतियोगिताको विजेता र उपविजेतालाई ट्रफी मेडल र प्रमाणपत्र प्रदान गरिनेछन् । यस्तै उत्कृष्ट खेलाडी, ब्याट्सम्यान र बलरलाई पनि ट्रफी प्रदान गरिने छ ।
यस्तै उत्कृष्ट हुने ३ खेलाडीलाई वाईवाई ग्रेट हिमालय क्रिकेट एकेडमीमा ३ महिनाको निशुल्क प्रशिक्षण गर्न पाउने छन् ।
-1736344782.jpeg)
