काठमाडौं । क्यानाडामा आयोजना हुने दोस्रो संस्करणको ग्लोबल टी-ट्वान्टी क्रिकेट आज (बिहिबार) बाट सुरु हुँदैछ ।
प्रतियोगिताको उद्घाटन खेलमा नेपालका ग्लोबल आइकन सन्दीप लामिछाने सम्मिलित टोरन्टो नेसनल्स र भ्यान्कोभर नाइट्सबीच प्रतिस्पर्धा हुनेछ । ब्राम्प्टनस्थित सिएए सेन्टरमा हुने खेल नेपाली समय अनुसार राती १० :१५ मा सुरु हुनेछ ।
नेपाली लेग स्पिनर सन्दीप भने पहिलो खेलमा उपस्थिति हुने छैनन् । आईसीसी टी-ट्वान्टी विश्वकप एसिया फाइनलको लागि नेपाली राष्ट्रिय टिमसंग सिंगापुरमा रहेका कारण सन्दीपले २ खेल गुमाउने छन् ।
पहिलो संस्करणमा सन्दीपले मोण्टेरिएल टाइगर्सबाट खेलेका थिए । यस पटक भने टोरन्टोले सन्दीपलाई ६० हजार अमेरिकी डलरमा अनुबन्धन गरेको हो ।
सन्दीपको टिमको मार्की प्लेयर भारतीय स्टार युवराज सिंह रहेका छन् । यस्तै विश्वका हस्ती केइरन पोलार्ड, ब्रेण्डन म्याकलम, क्रिस ग्रीन, मिचेल मेक्लेनघन जस्ता खेलाडी रहेका छन् ।
यस्तै नेपालका अर्का अलराउण्डर सोमपाल कामी पनि पहिलो पटक ग्लोबल टी-ट्वान्टी लिग खेल्दै छन् । सोमपाललाई ३ हजार अमेरिकी डलरमा विनिपेग हक्सले अनुबन्ध गरेको थियो । उनले पनि सुरुवाती खेल गुमाउने पक्का नै रहेको छ । सोमपालको हक्सले शनिबार मोण्टेरिएल टाइगर्सविरुद्ध पहिलो खेल खेल्नेछ ।
र, यो पनि पढ्नुहोस् ....
ग्लोबल टी-ट्वान्टीमा सोमपालको 'डेब्यु' सम्भावना कति ?
-1736344782.jpeg)
