काठमाडौं । सिंगापुरमा जारी आईसीसी टी-ट्वान्टी विश्वकप छनोट अन्तर्गतको एसिया फाइनलको पहिलो खेलमा नेपाल कतारसँग स्तब्ध बन्यो ।
मंगलबार भएको खेलमा नेपाल तुलनात्मक कमजोर टिम कतारसँग ४ विकेटले पराजित भयो । कतारसँग पराजित भएसंगै नेपाली टिमको चौतर्फी आलोचना भएको छ ।
विश्वकप खेल्ने सपना बोकेको नेपाल कतारसँग स्तब्ध भएपछि नेपाली राष्ट्रिय टोलीका पूर्व कप्तान विनोद दासले समेत प्रश्न उठाएका छन् ।
नेपालको हारपछि यू-१९ टोलीका प्रशिक्षक समेत रहेका दासले सामाजिक संजाल 'ट्वीटर' मा ४ प्रश्न तेर्स्याएका छन् ।
विनोदको चार प्रश्न :
१. पावरप्ले, मिडल अर्डर र डेथ ओभरमा कसले कसले बलिङ गर्ने ?
२. ब्याटिङका लागि पिच अझै अफ्ठ्यारो छ ?
३. २० ओभरको खेलमा हामीले पारस बाहेक ६ बलर खेलाउनु सहि थियो ?
४. के हामीले १ सय २२ को लक्ष्य रक्ष्या गर्न सक्छौं ?
