एजेन्सी । स्पेनले विश्वकप फुटबल सुरु हुन एक दिन बाँकी रहँदा प्रशिक्षक जुलेन लोपेटेगीलाई बर्खास्त गरेको छ । स्पेनले १ असारमा पोर्चुगलसँग पहिलो खेल खेल्दैछ । तर, विश्वकपको पुर्वसन्ध्यामा प्रशिक्षक लोपेटेगी बर्खास्तीमा परेका हुन् ।
स्पेनिस फुटबल फेडेरेसनले पत्रकार सम्मेलन गरी ५१ वर्षीय लोपेटेगीलाई बर्खास्त गरेको घोषणा गरेको हो । संघलाई कुनै जानकारी नदिई रियल मड्रिडसँग सम्झौता गरेकाले लोपेटेगीलाई बर्खास्त गरिएको उसले बताएको छ ।
स्पेनिस क्लब रियल मड्रिडले हिजोमात्र लोपेटेगीलाई क्लबको नयाँ प्रशिक्षक नियुक्त गरेको घोषणा गरेको थियो ।
