एजेन्सी । इङ्ल्याण्डविरुद्धको पहिलो वान डे क्रिकेटमा इन्डियाले ८ विकेटको जित निकालेको छ । जितसंगै इन्डियाले ३ म्याचको सिरिजमा १–० को अग्रता बनाएको छ ।
पाहुना टोली इन्डियाले टस जितेर फिल्डिङ रोेजपछि ब्याटिङमा उत्रिएको इङ्ल्याण्ड २ सय ६८ रनमा अल आउट भयो । कुलदिप यादवले उत्कृष्ट प्रर्दशन गर्दै ६ विकेट लिएपछि इङ्लिस इनिङ्स धरासायी बन्यो । जोस बटलरले ५३ र बेन स्टोकले ५० रन बनाउनु बाहेक अन्यको प्रर्दशन उल्लेख्य रहन सकेन ।
२ सय ६९ रनको लक्ष्य सहित मैदान उत्रिएको इन्डियाले ४० दशमलव १ ओभरमै लक्ष्य पुरा ग¥यो । रोहित शर्माले नटआउट १ सय ३७ रन बनाएको इनिङ्समा विराट कोहलीले ७५ रन बनाए । शिखर धवन ४० रनमा आउट भए । लोकेश राहुल ९ रनमा अविजित रहे ।
दोस्रो वान डे लर्डसमा भोली सुरु हुनेछ । यसअघि खेलिएको ३ म्याचको ट्वान्टी २० सिरिज इन्डियाले २–१ ले जितेको थियो ।
