एजेन्सी । भारतीय कप्तान बिराट कोहलीको धर्मपत्नी अनुस्का शर्मा यतिबेला सामाजिक संजालमा भाइरल बनेकी छिन् । इंग्ल्याण्डमा जारी आईसीसी विश्वकपमा भारत र श्रीलंकाको खेलमा अनुस्काले चौकाको लागि सिग्नल सोध्दा भाइरल बन्न पुगेकी हुन् ।
लिग चरणको खेलमा भारतले श्रीलंकालाई ७ विकेटले पराजित गरेको थियो । भारतका लागि लोकेश राहुल र रोहित शर्माले शतकीय इनिङ्स खेल्दा बिराटले अविजित ३४ रन बनाएका थिए ।
बलिउडकी चर्चित नायिका अनुस्का सो खेल हेर्न मैदान पुगेकी थिइन् । उनले खेलमा आफ्नो श्रीमान तथा राष्ट्रको समर्थन गर्दै गर्दा चौकाको सिग्नल आफ्नो साथीसंग सोधेको भिडियो यतिबेला गसिब र सञ्चार माध्यमकाे हेडलाईन बनेकाे छ ।
३१ औं ओभरमा बिराटले उत्कृष्ट कभर ड्राइभ गर्दै बललाई बाउन्ड्रीतर्फ पठाएका थिए । आफ्नो जीवन साथीले प्रहार गरेको सो सटमा रमाउन अनुस्काले साथीसंग चौकाको सिग्नल सोधेको भिडियोमा प्रस्ट देखिन्छ ।
'चौकाको सिग्नल के हो ?' अनुस्काको ओठमा हेर्दा साथिसंग सोधेको प्रष्ट देखिन्छ । लगत्तै उनीले चौकाको इसारा गर्दै समर्थनमा जुटेकी थिइन् ।
भारत जारी प्रतियोगिताबाट बाहिरिसकेको छ । बुधबार भएको सेमिफाइनलमा न्युजिल्याण्डसंग १८ रनले पराजित हुँदै भारत विश्वकपको उपाधि यात्राबाट बिमुख बनेकाे थियाे ।
-1736042125.webp)
