एजेन्सी । अष्ट्रेलियाका ओपनर ब्याट्सम्यान शौन मार्शले इंग्ल्याण्डमा जारी आईसीसी एकदिवसीय विश्वकप क्रिकेटका बाँकी खेल गुमाउने भएका छन् ।
मार्श कुमको चोटका कारण विश्वकप टिमबाट बाहिरिएका छन् । दक्षिण अफ्रीकासँगको खेलअघि अभ्यासको क्रममा उनले चोट बोकेको क्रिकेट अष्ट्रेलियाले जनाएको छ ।
अष्ट्रेलिया अब लिग चरणको अन्तिम एक खेल खेल्न बाँकी रहेको छ । अष्ट्रेलिया सेमिफाइनलमा पुगिसकेको छ । अष्ट्रेलियाले अन्तिम खेलमा शनिबार दक्षिण अफ्रीकाको सामना गर्नेछ ।
अष्ट्रेलियाले मार्शको स्थानमा पिटर ह्यान्ड्सकम्पलाई विश्वकप टिममा बोलाएको छ ।
