एजेन्सी । क्रिकेटका महान हस्ती तथा अष्ट्रेलियाका पुर्व स्पिनर शेन वार्नले आफुलाई मन पर्ने ३ स्पिनरको नाम सार्वजनिक गरेका छन् ।
टेष्ट क्रिकेटमा ७०० विकेट हात पार्न सफल वार्न आफै विश्वको सर्वोकृष्ट स्पिनर मध्येका एक हुन् । उनलाई स्पिन बलिङको जादुगर नै मानिन्छ । अधिकांस स्पिनरहरुले उनलाई आफ्नो रोल मोडल मान्ने गर्छन् ।
तर, वार्नको मन पर्ने स्पिनरमा अफगानिस्तानका राशिद खान, भारतका कुलदिप यादब र पाकिस्तानका याशीर साह रहेका छन् ।
२० बर्षे राशिदले आफ्नो देशका लागि २०० विकेट पुरा गरि सकेका छन् । कुलदिपले ६ टेष्टमा २४ विकेट हात पारेका छन् भने ४४ एकदिवसीयमा ८७ विकेट हात पारेका छन् । याशीरले ३५ टेष्टमा २०३ विकेट हात पारेका छन् ।
पुर्व स्पिनरले तीनै खेलाडीको उत्कृष्ट स्ट्राइक रेटले र सधै विकेट लिन चाहने मनस्थितिले गर्दा उत्कृष्ट लाग्ने बताए ।
'एक राम्रो स्पिनरले सधै राम्रो गर्ने गर्छ चाहे उ फिंगर स्पिनर होस् वा रिस्ट स्पिनर । मुलारीथरन, ड्यानिएल भित्टोरी जस्ता स्पिनर मेरो समयका उत्कृष्ट स्पिनर हुन्,' उनले भनेका छन् ।
क्रिकेटबाट सन्यास लिएपछि भने वार्न क्रिकेटको विश्लेषकको रुपमा काम गरिरहेका छन् । वार्न आईपीएएल टिम राजस्थान रोयल्सका ब्राण्ड एम्बासडर समेत हुन् ।
