एजेन्सी । थाइल्याण्डमा आयोजना हुने एसीसी यू-१६ पूर्वी क्षेत्रिय क्रिकेट प्रतियोगिताको पहिलो खेलमा नेपालले म्यानमारसंग प्रतिस्पर्धा गर्ने भएको छ ।
आयोजक थाइल्याण्डले सार्वजनिक गरेको खेल तालिका अनुसार नेपालले पहिलो प्रतिद्वन्दी म्यानमार पाएको हो ।
समूह 'ए' मा रहेको नेपालले म्यानमारसंग अप्रिल २० मा प्रतिस्पर्धा गर्नेछ । नेपालको समूहमा अन्य दुई टोली आयोजक थाइल्याण्ड र मलेसिया रहेको छ ।
साबिकको बिजेता समेत रहेको नेपालले दोस्रो खेलमा खेलमा मलेसियासंग अप्रिल २४ र अन्तिम खेलमा आयोजक थाइल्याण्ड अप्रिल २५ मा खेल्नेछ ।
३५ ओभरमा खेलाइने प्रतियोगिताको समूह 'बी' मा हङकङ, सिंगापुर, भुटान र चीन रहेको छ ।
दुई समूहमा बिभाजन गरि खेलाइने प्रतियोगिताको शीर्ष दुई टोलीले सेमिफाइनलमा स्थान बनाउने छन् ।
अघिल्लो संकरणमा नेपालले सिंगापुरलाई ७१ रानाले पराजित गर्दै उपाधि जितेको थियो ।
-1735730225.jpeg)
