काठमाडौं । बाँकेको कोहलपुरमा राष्ट्रिय स्तरको सुशिल कोईराला स्मृति यू–१९ महिला क्रिकेट प्रतियोगिता आयोजना हुने भएको छ ।
नेपाल क्रिकेट संघको स्विकृत मिति अनुसार माघ २६ गतेदेखि कोहलपुरमा राष्ट्रिय स्तरको महिला क्रिकेट प्रतियोगिता हुने भएको हो ।
लोकतान्त्रिक खेलकुद संघको आयोजनामा हुने प्रतियोगितामा भर्खरै चितवनको सम्पन्न मैयादेवी श्रेष्ठको स्मृतिमा सञ्चालन भएको यू–१९ महिला राष्ट्रिय क्रिकेट प्रतियोगितामा शीर्ष चारभित्र परेका टिमले सहभागीता जनाउनेछन् ।
सोही अनुसार कोहलपुरमा हुने यू–१९ राष्ट्रिय महिला क्रिकेटमा बागमती प्रदेश, गण्डकी, लुम्बिनी र सुदूरपश्चिम प्रदेश सहित आयोजक कोहलपुर ११ टिमले प्रतिस्पर्धा गर्नेछन् ।
प्रतियोगिता आयोजनाको सम्पुर्ण खर्च कोहलपुर नगरपालिकाले गर्ने र प्राविधिक सहयोग नेपाल क्रिकेट संघ क्यानले गर्ने आयोजकले जनाएको छ ।
कोहलपुरमा राष्ट्रिय स्तरको क्रिकेट प्रतियोगिता आयोजना गर्न राष्ट्रिय क्रिकेट टिमका पूर्व कप्तान तथा राखेप बोर्ड सदस्य एलबी क्षेत्रीको समन्वयनमा क्यानका अध्यक्ष चतुरबहादुर चन्द र कोहलपुर नगरपालिकाका मेयर पूर्ण आचार्यबीच छलफल समेत भएको थियो ।
प्रतियोगिताका खेलहरु कोहलपुरमा रहेको अन्तराष्ट्रिय क्रिकेट रंगशालामा हुनेछ ।
हेर्नुस खेल तालिका,
-1736300843.webp)
-1736300867.jpg)
